Anim na taong tiis
ang uhaw
na, maski makapagtampisaw sa
sariwang batis,
o rumaragasang ilog,
tikom ang labi't
laway lamang ang
ni
lu
lu
nok;
panandaliang ginhawa sa
nanunuyo't bitak na labi.
Anim na tao'ng tiniis
kaya't
'di mapapawi
kahit salukin pa
ng baso-kada-baso
o sa hulma ng aking kapalaran
(walang patak ang masasayang sa siwang ng mga daliri)
ang iyong karagatan, lahat
la
la
gu
kin;
ginhawa, sa wakas.
No comments:
Post a Comment